Kers-in Veldeke 27 december 2015

De Kers-in van ’t vurrig jaor waas good bevalle beej ós gaste en beej ós. Daorum waar ’t neet zoeë lastig um ouk dit jaor weer ‘ne Kers-in te organisere.

Ut waas weer ‘ne gezellige Kersmiddaag op de Ulingshei. Naeve de koeëre “De Meulezengers” en “In the Mood” brach ’t Jachthoornkorps Limburg-Noord 'n verrassend optraeje. Inkele kinder hebbe weer eur gedichje veurgedrage. Margo en Wiel Verbeek zonge ein aantal Kersleedjes in het dialek. Wesley Gilkes – lierling van 't Kunstencentrum Venlo speulde op fioeël inkele nummers. Ouk de Jeugdharmonie van 't Venloos Koninklijk Philharmonisch Gezelschap o.l.v. Harrie Boom speulde inkele nummers.